تخونين وتجين .. خالد البذال

رحتي قد مارحتي وجيتيني نادمة بعدين
..............بعد هالغيبه جيتيني وحالك حيل تعبانه

دار الوقت وجيتيني وعن همك تبين تشكيـن
.............تبين العون من قلب في حبك جفت أغصانه

روحي واتركي قلبي وخليني أعيش الحين
............مدام أني ربحت الحب عيشي اليوم خسرانه

صبري تعلمته وعشت وشفت شوف العين
...........بعدما دارت الدنيا عرفت الوقت وأزمانـه

جروحك ماهي بوحده ولاعشر ولاثنتين
...........ابحسبها انا وشلون وحالي منك تلفانه

ترجيتك من الأول وقلت بحالي ماتدرين
...........أنا ياما وياما قلت تراكـ بحقي غلطانـه

تحسين أنتي ماصدق ولاعمرك ولاتحسين
...........تخونين وتجين اليوم تبين الحب وغفرانه

انا ياسي تملكني ولا أدري أروح لوين
...........ضاق الكون في عيني وقلبي ضاق شريانه

أنا وشلون أفسرهـا حكايتنا وأجيك منين
..........وأقول أني تركت الحب بعد ماعشت حرمانه

..~~((للشاعـر ..خالد البذال ))~~..

[ندعوك للتسجيل في المنتدى أو التعريف بنفسك لمعاينة هذه الصورة]